Ich wünsche dir schöni und erholsami Feschttäg! Ich bin mega froh, en Teil vo dere coole Familie dörfe z'si. Gern möcht ich eu Spiegels es Gschenk mache:
Es paar Gschenk sind gross.
Es paar sind tüür.
Und es paar sind so chlii, dass sie i kei Kartonschachtle passed –
Das Johr gits nünt zum Uspacke,
nünt zum Zruggeh
und
nünt, wo mer doppelt becho chan.
Du chunsch öbis über für
Nochrichte, Erinneringe, Iladige, langi Gschichte, kurzi Infos und gelegentlichi Familie-Insider.
Öbis, wo verbindet, au wenn mer grad nöd am gliche Tisch sitzt.
Öbis, wo eindütig üs ghört.
Öbis mit üsem Name druf – sehr offiziell, sehr digital, sehr Familie.
Weisch was das chönt si?🎄
Schöni Wiehnachte wünscht
De Michi